شأرد أكول
******
لا..تظن زينب نسيت..؟..للنهر رحت وأجيت
من أعوفنها إبضمه..؟..شأردَ أكول الفاطمه
للنهر رحت وأجيت
**********
صعبه من تفكد اخوك
وحدّك إوتبقه وحيد
لوتطلبه مايجيك
يعني مفكود العضيد
اشلون تطلب منه ماي
إيچاوبك ماعنده إيد
چان يمطرلچ سحاب
هسّه ابوفاضل بعيد
جنت اجيبلها الشمس..؟..تعطش اوبيها أحس
هيّ بيّه عالمه..؟..شأرد أكول الفاطمه
********
وحدي وابعازة اخوي
بعده ماتسوه الحياة
سكته ودموعي تجيب
لوتناشدني البنات
لويسئلوني عليك
شأرد أكل لاطفالي مات
توني شيّعته وإجيت
بالمگابر يعني أبات
گبرك ابصف الفرات..؟..ترضه عطشانه ابات
إيدي أمدهه للسمه..؟..شأرد أكول الفاطمه
************
اشلون لوكالتلي ماي
يعني أصير الها مطر
كصّتي تمطر سحاب
وأعصر ابماي النظر
لا..تظنيني نسيت
آنـه أصيرلچ نهـر
إتأخرت مرّه عليچ
گلتي عباس أعتذر
عمري أبد مامعتذر..؟..الحمد لله والشكر
لوشكت من إلعِمه..؟..شأرد أكول الفاطمه
***********
كلهه تسئلني عليك
وآنه معصورة كلب
تورطت من كتله روح
إمودّع الله للحرب
خلافك الماي ابسراب
نشفت عيوني التصب
راح اناشد عالفرات
إمضيعه أخو ٱبهذا الدرب
لوسمع من اخته صوت..؟..غيره أبوفاضل يموت
غيرته تنزف دمه..؟..شأرد أول الفاطمه
***********
عدنا قانون الحروب
كل يموت إبلا لوه
يعني لارايه وجفوف
إتسلبّن وي الهوى
شأرد أجيبن للبنات
آنه چنت إلهن ضوه
هسّه جنب الشاطي أبات
منهن السوط إرتوه
ابخيمتي نزلوا العمود..؟..إستشهدت ها ماكو جود
الجربه ماظن سالِمّه..؟..شأرد أكول الفاطمه
**********
فركتك معناها موت
بعد ماشوف الصبح
ماأصد وجهك واروح
عيني وافراگك ملح
إحسب احساب الأخوك
باجر إيطعنه رمح
والجروح إبلاحساب
چرح يتباهه ابجرح
الفاتحه اقره عليك..؟..وأنعه يَالماهنه اديك
للجليل انكلمه..؟..شأرد أكول إلفاطمه
*********
الحمدلله رب العالمين
ديوان
دموع الهاشميات
الجزء الخامس