جديد الموقع
صــــــورة حــــــــزن
=========
صورة مرسومه بحزن ردت تلوح ردت بهـمها والمها لكربله
ليش ما كام الجـفيل الها يروح ويــرفع الرايه وضعنها استقبلــه
زينب ....... زينب ......... آ يزينب
************************
اتخاطب با حزان والمدمع يسيل
حسين وينه أو وين الأكبر والجفيل
رد ضعنكم خويه بس بيه العليل
والحــرم وايتـام بالهـــم مثقلـه
زينب ....زينب.....آ يزينب
********************
شكد صعب هضم اليسر ما ينحمل
ميسره ومجتوفه وأمشي اعله الهزل
وظل جرح خدري وسط كلبي يسل
وعالرماح الروس ويه القافله
زينب .....زينب....آ يزينب
*****************
خيالي ما ينشاف من جنتولي سور
تالي لن بيسر بين أهل الفجور
جيت اشوفنكم شفت بس الكبور
ألمن أشجي الهم يبن عقد الوله
زينب .....زينب....آ يزينب
***************
المن أشجي الهم بعد والمن أروح
وهاي سكنه اعله الكبر يمك تنوح
أكعد وشجيها روفلها الجروح
وامسح بجفك دموع السايله
زينب .....زينب.....آ يزينب
******************
خويه جنت امخدره بعز ودلال
وسفه أطبن مجلس ابين الرجال
المن أشجي وعلتي تهد الجبال
والمصايب فوك راسي أمتلله
زينب .....زينب.....آ يزينب
*****************
ما يجف دمعي اليهل فوك الوجن
بهاون الهم روحي مسحونه سحن
اشلون أرد لدياركم بيها استجن
خاليه وما بيها بن سيد المله
زينب.....زينب..... آيزينب
شبكة الوادي الثقافي - ابو احسان الهلالي - الأحد 8 / 12 / 2013 - 04:31 مساءً
زيارات 628 تعليقات 0
شارك المحتوى عبر مواقع التواصل الإجتماعي
عرض الردود
أضف تعليقك
تسجيل الدخول
احصائيات عامة
المقالات والأخبار 1,277
الصور 2,751
الرواديد 82
الصوتيات 2,010
المرئيات 1,628
مكتبة البرامج والكتب 40
المجموع 7,788
الصور 2,751
الرواديد 82
الصوتيات 2,010
المرئيات 1,628
مكتبة البرامج والكتب 40
المجموع 7,788