بجت عين الكتاب تهل دم للمصاب
والانس والجن حزينه لبست ثيــاب السواد
والصفا ينوح ويه زمزم اعلن اليوم الحداد
***** *****
اظلمت الدنيــــه حزينه ومجدره
حين غاب الكوكب الدري وسره
وجنة الفردوس بيـــــه مستبشره
وام ابوها تنـــــوح ظلت معبره
عله فراكه توّن تغطت بالحزن
فاركت عزها واملها غاب عنــوان الرشاد
والصفا ينوح ويه زمزم اعلن اليوم الحداد
***** *****
بعد عينــــــه ما غفت بان الطمع
خالفوا نهج الهدايــــــــــه والشرع
السامري اغواها اجه وبيها اجتمع
اسسوا للظلم دستور انـــــــــوضع
انكر يوم الغدير انغصب حك الامير
طاغي والطاغي تماده واغضب السبعه الشداد
والصفا ينوح ويه زمزم اعلن اليوم الحـــــداد
****** ******
ريت يا طـــــه تشاهد امتــــــــك
ضربت بعرض الجدار اوصيتك
ظهرت احقاد الدفينـــــه العترتك
ظلموا الزهره الزجيــه بضعتك
غصب حكها الجهول كسر ضلع البتول
والله هضموها الزجيه واغضبوا رب العباد
والصفا ينوح ويه زمزم اعلن اليوم الحداد
****** ****
ظلـــــــت الكوثر تلــــــــوج من الالــــــــــم
من سكط محسنها والحيـــــــل انهـــــــــــدم
والوجـــــــه من سطرة البــــــــاغي انوشم
واستغاثت بيـــــــك يا سيــــــــــــــد الامـم
لجن موت الزلم بوصيتك ملتزم
ياصبر كلي اليشيله والظلم عالامه ساد
والصفا ينوح ويه زمزم اعلن اليوم الحداد
****** *****
ظلم يتبع ظلم عالعتــــــره انتشر
غدروا بحيدر علي فارس مضر
كطّــــّعواجبد الحسن بالسم وذر
وابو اليمه حسين حزوله النحر
كضوا سم اوجتل انهدم ركن العدل
وعاش الاسلام ابغربته وانتشر والله الفساد
والصفا ينوح ويه زمزم اعلن اليوم الحداد
********* ******
انعزي ابو الحمله علي بفقد الرسول
وبدمعنــــــــه انواسي فاطمة البتول
خلي تسمعنــــــه النواصب وشنكول
ذوله دين اسلامنـــه وهمه الاصول
الامر واضح جلي بعد طه علي
موش تنصيب السقيفه بحيدره بارينه شاد
والصفا ينوح ويه زمزم اعلن اليوم الحداد
********* ******
خادم اهل البيت
ابو احسان الهلالي