الخيل هجمت والخيم حرگوها ويــــن هاشم خلهم ايطفــــوها
********
وين هاشم وينهه ليوث الحـــرب النار بخيمنه اسعرت تلهب لهب
زينب بحيره ومدامعهــــا تصب
حرمه مابين العده عافوها
********* ********
لهبت اوجوه الحرم نار الخيـــم وعله وش الگاع فرت هالحرم
من يحاميها عگب اهـــل الشيم
تحشم النسوان ماسمعوها
****** ******
چم طفل بذياله نـار امسعره ترتجف من خوفها وامذعره
مچلبه بذيال العقيلـه الطاهره
والله املاك السمه بچوها
****** *******
دم دمع زينب عله الوجنه يسيل حايـــره مابين ايتــــام وعليـــل
من عكب عين ابو اليمه والجفيل
آل اميه من الخدر سلبوها
********* ******
سلبوها من الخــدر ام الخـــــدر ويلعب اعله متونها سوط الشمر
عنها گــــالو خارجيه اهل الغدر
ماچن امها فاطمه ايعرفوها
********* ********
ماچن امها فاطمه وجدها الرسول والابو حيدر علي فحـــــل الفحول
والصبر راضعته من صدر البتول
ماتطخ الراس لليسروها
******** *********
ماتطخ الراس بت حامي الدخيل وحاشا ماذلت ابد اخت الكفيـــل
صح مدامعها عله الوجنه تسيل
من تصد روس الاهل شالوها
********** *******
حارسه وي الروس راحت باليسر وبصبرها اظهرت زيـــــف الكفر
هدت عروش الظلاله اهــل الغدر
والله بچتهم فلا بچـــــــــوها
********** *******
خادم اهل البيت
ابو احسان الهلالي