نزله (مصاب العسكري)
**************
كلوبنه باحزانها متالمه
عله مصاب العسكري تكطر دمه
****************
خلّي نتعنه ابكلبنه المنفجع
نكصد السامره ونهل الدمع
بالحزن صوت المواكب يرتفع
وتصعد اصوات الاسه السابع سمه
*******************
نعزي مهدينه ابعزانه والبتول
وخلي مدمعنه يكت كت السيول
آه يابدر الغفه بسم النذول
سم بني العباس ذيج الظالمه
*********************
اليوم دين الله انهدم منه ركن
اليوم عالعسكري مهدينه يون
اليوم سامره تغطت بالحزن
لبست ثياب السواد اومحرمه
*****************
محرمه اعله العسكري لبست سواد
وبالسمه جبريل اعلن للحداد
عليه ناحت تلطم السبعه الشداد
تعزي ابو ابراهيم وامه فاطمه
********************
حضرة ابسامره وتنوح بالم
عليك يبني آخر اضلاعي انهشم
والله ماضل حيل كل حيلي انهدم
آه من كوم الظلاله المجرمه
**************
وبمواكبنه اجينه بلا وجل
ندوس فوك الموت ماهمنه الاجل
حته لو نتكطع ونصبح وصل
بالعزه الارواح يمك لاطمه
****************
ضاكت صدور البشر ماضل صبر
واللزم دينه حمل بيده جمر
يا الهي الكون عجل بالامر
بشوك متلهفين والله المقدمه
*********************
يا الهي عجل النه ابطلعته
وخل ترف عالكون بالحك رايته
وخل ينكس روس كل النكرته
ويطلب بثارات ابن حامي الحمه
*******************
خادم اهل البيت
ابو احسان الهلالي