مرسومه عالوجنات   صورة حزن وآهات
الدمعه رسمتهــــــا   من فاركت امهـــــا
********       ********
هاليــــــــوم العقيلـــــه اشلــــون حالتهــــا
وي امهــــــــا المصايب كلهـــا عاشتهـــا
باحضان الحــــــــــــزن دنيــــاها لفتهـــا
الضلع والبـــــــــاب عين الحره رسمتها
سيـــــف مشهور   وعليها ظل ايدور
واتغطت ابهمها   من فاركت ا مهــــا
*******      ********
ظل موج الدمــــــــع يتلاطم اعله الخد
وسرجت بالكلـــــب نيرانه تتوكــــــــد
تحاجي امهــــــا العزيزه وما ترد الرد
تشمهــــــا ابلهفه طـــــول بطول تتمدد
مذهولة الافكار  مفجوعه باللي صار
والحزن هدمها   من فاركت ا مهــا
*******      *******
جلباب الحـــــزن متفصل اعليهـــــا  
تناغيه من زغر سنهــــا ويناغيهـــا    
طفلـــه اوفكـــدت الحضن اليدفيهــا
وظلام الدار عكــب الزهره غاطيها
وتردد ابأشجان   بلهفه وكلب ولهان
منهو الينادمها   من فاركت ا مهـــا
******      ******
ثلث آيــــــات غطاها الحزن والنوح
وكتاب الجليــــــل البلنعش مطروح
وجرح مصاب فاطم للحشر مفتــوح
بجت والله ملائكـــة السمه واللــــوح
من ناحت الآيات   اتعالت الصرخات
الدهر يتمهـــــــا   من فاركت امهــا
*******      *******
مجدره وظلمه دار المرتضى الكرار
من شيع نعشها بليل حامي الجــــار
وسدها بلحــــدها والدمــــــع مدرار
وما خلــــه الكبرها تنعــــرف آثار
بالدنيه ماكو آمان   اتفرق الخلان
حيدر يكلمهـــــا   من فاركت ا مها
******       ********
رد للبيت بس اشلــــــــــون لمن رد
يعثر بالجدم والحيـــــــــل منه انهد
لكه زينب تنــــــوح وهمه بيه اشتد
بده ايهون عليها ودمعته اعله الخد
يازينب الدمعات  مترجع اللي مات
بعلومه علمهــا   من فاركت امهــا
******      ********


           خادم اهل البيت
           ابو احسان الهلالي