أحزان الشيعه

ون بحزن يا شيعي والدمع اعبار
واسي النبي بهل فاجعه والكرار
أم الحسن مظلومه روح المختار
عليها المصايب صبت صب الدهر صباها
*******
بعد النبي ظلموها أم العتره
وبيعة علي نكرتها ذيج الزمره
من فدك حرموها البتول الزهره
يا شرع كلي بيا دين بيه اصدرت فتواها

السم والقيد

مسموم وبسجنه كضه
والكيد ساكه امرضرضه
***** ******
هارون باحقاده انعمه
تعنه لبن حامي الحمه
بطاموره خلاه مظلمه
لمّن وشتله المغرضه

الأنصار

بصوت واحد صاحوا انصاره الغياره
بالشهــــاده انريــــد نحتــل الصداره
**
كبلك نخوض الحرب
نكلـــب الحومه كلـب
وعينك انقرها يبن سيد الرساله
سيوفنه تحطب حطب
نار كبـــره من تصب
نترس الوادي جثث اهل النذاله
انسود وجوه ال اميه بالمعاره

الأكبر عليه السلام

الله ويــــــاك....صعـــــب فركـــاك
ما انام الليل....تظل دموعي تسيل
**
ضاع يبني كل سهر ذيـــج الليالي
والبنيته اتهــــدم بفك،،،ري يغالي
امك آنه وح،،كي من اعتب يوالي
شكد صعب فركاك مطبوع بخيالي
كلبي نـــــــاداك....اشلون انساك
راح اظل بالويل ....تظل دموعي اتسيل

مسلم ع

لاتترك المعقول....احجي الحقيقه وكول
ناس ماعدها عقيده يلتسايل
مايهمهم موت مسلم لاتجامل
**
هذه مسلم وانته مسلم ابحث بكل الحقايق
لاتحـــابي لاتجامـــل دقق بكـــل الوثايـــق
المجتمع ذاك ويه هذه اشكثر بيه ظالم وسارق
والمصيبه باليصلي انشوفه بالواقع منافق
بالدين يتسترون.....للمنكر ايفعلون
غدروا بمسلم نفس ذوله الاراذل
مايهمهم موت مسلم لاتجـــــامل

العليلة

عافوني اومشوا اهلي وجفوني
وماجفـــت دمعــــتي من عيوني
بعيوني صورهم...كل لحظه بذكرهم
**
اسولف ويه روحي ماخذوني ليش
عليله اخلافهم جا شلي بالعيش
ريحتهم دوه من اشتمها افيش
غركة ابحر همي ومالكيت الكيش
اخافن من مشو عني نسوني
احبابي الاودهم ....كل لحظه بذكرهم

ثورة ضد الظلم .. قصيدة كعده

**
ثوره ضد الظلم ضد الناصبيه....جسداها حسين بارض الغاضريه
كتبت دروس وعبر .........الدم عله السيف انتصر
جسداها حسين بارض الغاضريه
**
حسين من حمل ضعونه واعتنه لطف المنيه
حسين يدري حسين يعلم بالطف اتحل الرزيه
وكربله لمن نزلها ناده يصحاب الحميه
اهنانه المحتم يحل.....وانصاره واهله تنجتل
وبكربله هلاله يهل......مواعد بهاي القضيه
من دماه الطاهره روّه العقيده....آه يحسين المحب اصبح نشيده
احيّه دين الله ابفخر........الدم عله السيف انتصر
جسداها حسين بارض الغاضريه

الثورة الحسينيه

زين اتامل زين...... منه شراد حسين
راد اصلاح لهاي الامه....خط المنهج النه بدمه
زين اتامل زين
**
خل نفكر زين ندرس ثورة حسين الابيه
ابد مارايد مناصب لا كراسي ابن الزجيه
بثورته الاصلاح ينشد ضد فساد ابن الدعيه
اهداف للثوره رسم.....والواجب عليه انحتم
من شاف دين الله انهدم....وظلم زاد اعله الرعيه
عالظالم من ثار....راد انصير احرار
واتعنه الطف بكل همه....خط المنهج النه بدمه
زين اتامل زين

يعباس نادينه

يعباس نادينه....يعباس نادينه
**
خويه وينك ياكمر هاشم تعال
يلي ماتتعذر اختك لا محال
صوتي ماهزاك ياحيد الرجال
ترضه خويه انذالهم تولينه
يعباس نادينه
**
يلطحت عالمشرعه ظن مادريت
عكب عينك ياشهم خويه انسبيت
بسوط يضربني الشمر بيك انتخيت
ورم متني اورم متن سكينه
يعباس نادينه

للطف رجعنه

للطف رجعنه ..... ماشفنه اهلنه
ردينه من سبي الشام... بضعن الحرم والايتام
للطف رجعنه
**
بدمعتها نادت زينب المحزونه
چنت بامل ولياني يتلگونه
وصوت اليتامه اشعجب ميسمعونه
تغير شكلنه وماظن ايعرفونه
الهم كتلنه .... وغير وضعنه
جرح اليسر مايلتام... جبت الحرم والايتام
للطف رجعنه

نزلة ليلة العاشر

يارجالي طوفي..... كربلاء وشوفي
من انادي يخوتي ....اسمع جواب
**
حين سمعّوا صوت من حسين صاح......ياحبيب
خلي نرسم ملحمة يوم الكفاح
خلي اصحابك يجهزون السلاح
باجر تشب الحرب ويه الصباح
والعده ايكصدونه.....للحرب يردونه
اسمعو ها ياصحبتي....اسمع جواب

نزلة ليلة القاسم ع

من قاسم التعيين ....اموقع من حسين
من منهج الحشدين ....بالغاضريه
**
آنه شاعروبخيالي عشت وسط الحومه
بفكري كل صوره شفتها لوحه الي مرسومه
شفت شاب 12عمره للحسن وعلومه
يطلب الرخصه وفتحلي نافذه معلومه
ابن الحشد قاسم ....وابن الحسن جاسم
والفارق الحاسم .....بالغاضريه